Qazaqstanda burqasyn saldarynan 10 poıyz keshikti

ASTANA. QazAqparat - «QTJ» ulttyq kompanııasynyń baspasóz qyzmetinen habarlaǵandaı, 29 jeltoqsanda saǵat 5:30 jel jyldamdyǵy sekýndyna 25 metrden asyp, joldyń Qaraǵandy bóliginde Vıshnevka - Anar aralyǵynda №1076 júk konteınerlik poıyzynyń bir bos konteınerin jel ushyrdy.

Sonyń saldarynan baılanys jelisiniń tiregine zaqym keldi. Qurban bolǵandar jáne zardap shekkender joq.

Oqıǵa saldarynan №86 «Astana - Saryaǵash», №674 «Pavlodar - Qaraǵandy», № 328 «Qostanaı - Qaraǵandy», № 318 «Baranovıchı - Qaraǵandy», № 854 «Astana - Qaragandy», №4 «Astana - Almaty-2», № 84 «Máskeý - Qaraǵandy», № 55 «Qyzylorda - Kókshetaý», № 701 «Almaty-2- Petropavl», № 853 «Qaraǵandy -Astana» jolaýshylar poıyzdary keshiktirildi.

Qabyldanǵan sharalar nátıjesinde saǵat 9:15-te poıyzdar qozǵalysy qalpyna keltirildi.

Bir táýlik ishinde keshigip jatqan poıyzdardyń barlyǵy keste boıynsha júretin bolady.

Avtokólikpen shyǵa almaǵan jolaýshylardy tasymaldaýdy qamtamasyz etý úshin Qaraǵandy oblysy ákimdiginiń ótinishimen №86 Astana-Saryaǵash, №606 Qaraǵandy- Balqash, №156 Qaraǵandy -Jazqazǵan baǵyttaryndaǵy poıyzdarǵa qosymsha vagondar tirkeldi.