Qazaqstanda búldirgi mazmundaǵy 55 ınternet-saıt jabyldy
16:47, 13 Mamyr 2015
ASTANA. QazAqparat - Bıyl Qazaqstanda búldirgi mazmundaǵy 55 ınternet-saıt jabyldy. Bul týraly búgin Ortalyq kommýnıkatsııalar qyzmetindegi baspasóz máslıhatynda Mádenıetter men dinderdiń halyqaralyq ortalyǵynyń dırektory Ertas Muratbekov málim etti.
«2014 jyldyń ekinshi jartyjyldyǵynda Mádenıetter men dinderdiń halyqaralyq ortalyǵy 7 myńnan astam ınternet-resýrsterge taldaý jasady. Bul saıttardyń monıtorıngi olardyń arasynan búldirgi mazmundaǵy 170 saıt anyqtalyp, onyń nátıjesi boıynsha taldaý jumystary atqarylyp, bul saıttar jabyldy. Búginde ortalyq osy jumystardy jalǵastyrýda. Bıyl 5 myńǵa jýyq ınternet-resýrstardyń monıtorıngi iske asyrylyp, búldirgi baǵytyndaǵy 55 saıt anyqtaldy», - dedi ol.
Osy oraıda E. Muratbekov qazaqstandyqtardy bundaı saıttardy baıqaǵan kezde mindetti túrde habarlaýǵa shaqyrdy.
«Búldirgi saıttardy anyqtaǵan adamdar bolsa, ony bizdiń ortalyqtyń saıtyndaǵy qyzmet arqyly habarlaýdyń múmkindigi bar», - dedi ol.