Qazaqstanda buǵattalǵan keıbir ınternet-saıttar ashyldy

ASTANA. QazAqparat - Elimizde buǵattalǵan keıbir ınternet-resýrstar ashyldy. Bul týraly QR Aqparat jáne kommýnıkatsııalar mınıstrliginiń baspasóz qyzmeti habarlaıdy.

Mınıstrlik buǵan deıin https://www.ozon.ru, https://pikabu.ru jáne https://ficbook.net, https://www.labirint.ru, https://eksmo.ru/, https://book24.ru.  aqparat resýrstarynyń Qazaqstan Respýblıkasy aýmaǵynda  qoldanylýyna shekteýler engizgen bolatyn.

«Búgingi ýaqytta mınıstrlik pen https://www.ozon.ru, https://pikabu.ru jáne https://ficbook.net ınternet-resýrstardyń ákimshiligimen birge jasalǵan jumys nátıjesinde  keıbir zańsyz materıaldar joıyldy. Osyǵan baılanysty atalǵan resýrstar Qazaqstan aýmaǵynda qoljetimdi bolady», - delingen mınıstrliktiń habarlamasynda.

10 qarashadaǵy jaǵdaı boıynsha https://www.labirint.ru, https://eksmo.ru/, https://book24.ru saıttarda tyıym salynǵan materıaldar áli de bar. Eger  zańsyz matrıaldar ınternet-resýrstan joıylatyn bolsa, ol Qazaqstan Respýblıkasynyń  aýmaǵynda qoljetimdi bolmaq.