Qazaqstanda birneshe eldiń qaptaý taqtaılarynyń sáıkestik sertıfıkattary kúshin joıdy

<p>ASTANA. KAZINFORM &ndash; Saýda jáne ıntegratsııa mınıstrligi Tehnıkalyq retteý jáne metrologııa komıtetiniń aýmaqtyq departamentteri &laquo;Ǵımarattar men qurylystardyń, qurylys materıaldary men buıymdarynyń qaýipsizdigi týraly&raquo; tehnıkalyq reglamenttiń talaptaryn buza otyryp berilgen birqatar sáıkestik sertıfıkatynyń kúshin joıdy.</p>

Sáıkestik sertıfıkattary Qytaı, Ózbekstan, Túrkııa jáne Irannan keletin granıt, mármár jáne travertın qaptamalarynyń taqtaılaryna qatysty. Al olardy «Analıtık AF» JShS, «Fırma saýda palatasy» JShS, «Ónimniń sáıkestigin rastaý ortalyǵy» JShS, «Ulttyq saraptama jáne sertıfıkattaý ortalyǵy» AQ Qaraǵandy fılıaly berdi.

«Sertıfıkattarda durys emes sáıkestendirý, taqtaıshalardyń beriktigin, ken orny men basqa da mańyzdy sıpattamalaryn kórsetpeý sekildi buzýshylyqtar anyqtaldy. Erejelerdi saqtamaý tutynýshylardy tastyń sapasyna, onyń sıpattamalaryna jáne ártúrli jaǵdaılarǵa tótep berý qabiletine qatysty jańylystyrýy múmkin», - deıdi mınıstrlikten.

Sáıkestik sertıfıkattary toqtatyldy jáne ótinish berýshiler bul týraly habarlama aldy. Sondaı-aq olar osy sertıfıkattarǵa siltemeleri bar barlyq jarnamalyq materıaldardy paıdalanýdy toqtatýǵa jáne «Bir tereze» memlekettik tehnıkalyq retteý júıesiniń tiziliminiń kúshin joıý týraly aqparatty engizýge mindetti.