Qazaqstanda biryńǵaı medıtsınalyq kómek týraly zań ázirlenedi

<p>ASTANA. KAZINFORM &ndash; Elimizde kepildendirilgen bazalyq jáne saqtandyrý paketterinen turatyn biryńǵaı medıtsınalyq kómek týraly zań jobasy ázirlenip jatyr. Tolyǵyraq QR Premer-Mınıstrdiń orynbasary Tamara Dúısenova aıtyp berdi.&nbsp;</p>

«Birinshiden, kepildendirilgen bazalyq jáne saqtandyrý paketterinen turatyn medıtsınalyq kómektiń biryńǵaı paketin qarastyratyn zań jobasy ázirlenedi. Ol óz kezeginde júıeni tolyq qarjylandyrýdy talap etedi. Sondyqtan jobada qarjylyq turaqtylyqty qamtamasyz etý maqsatynda resmı túrde jumyssyz bolyp tirkelgen azamattar úshin jarnany jergilikti bıýdjet esebinen tóleý, sondaı-aq, jarnany esepteýdegi tabystyń joǵary shegi jáne tólemderdiń stavkalaryn qaıta qaraý kózdelýde», - dedi Tamara Dúısenova Úkimet otyrysynda.

Vıtse-premerdiń aıtýynsha, Densaýlyq saqtaý mınıstrligi ázirlegen zań jobasy Úkimetke osy aıdyń sońyna deıin engiziledi.

«Ekinshiden, júıeni tolyq tsıfrlandyrý boıynsha tıisti Jol kartasyn júzege asyrýdy jalǵastyramyz. Onyń aıasynda jyl sońyna deıin medıtsınalyq saqtandyrý qoryn tsıfrlandyrý aıaqtalady. Al keler jyldyń sońyna deıin biryńǵaı ulttyq aqparattyq júıeni engizý josparlanyp otyr», - deıdi ol.