Qazaqstanda bir jylda 100 myńǵa jýyq balaǵa arnalǵan 109 mektep ashyldy

<p>16 jeltoqsan qarsańynda elimizde 7 344 oryndyq 13 jańa mektep ashylady. Osylaısha jyldyń basynan beri paıdalanýǵa beriletin 95 344 oryndyq jańa mektep sany 109 boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Oqý-aǵartý mınıstrligi úsh aýysymdy, apatty mektep máselesin, sondaı-aq oqýshy orny tapshylyǵyn júıeli sheshý úshin jańa bilim nysandaryn iske qosý boıynsha josparly jumys júrgizip jatyr.

Jalpy, osy jyldyń aıaǵyna deıin túrli qarjy kózderinen 132 myń oqýshy orynǵa arnalǵan 154 mektepti, onyń ishinde bilim ınfraqurylymyn qoldaý qory esebinen 76 738 oryndyq 62 mektepti paıdalanýǵa berý josparlanyp otyr. 

Bul 12 apatty jáne 29 úsh aýysymdy mekteptiń máselesin, 113 eldi mekendegi oqýshy oryndarynyń tapshylyǵyn sheshedi.

Sondaı-aq, «Jaıly mektep» ulttyq jobasy iske asýda.

Bıyl 217 mekteptiń qurylysy bastaldy, olar 2024 jyldyń sońyna deıin paıdalanýǵa beriledi.

Ulttyq joba eń aldymen qalalar men keleshegi bar eldi mekenderde jańa úlgidegi mektepterdi salýǵa, oqýshylar men pedagogterge jaıly ári qaýipsiz orta qalyptastyrýǵa, bilim berý qyzmetiniń sapasyn arttyrýǵa baǵyttalǵan.

Jalpy, Memleket basshysynyń tapsyrmasy boıynsha elimizde 740 myń oqýshyǵa arnalǵan 369 jaıly mektep salý josparlanyp otyr.