Qazaqstanda boıaýlar men qubyrlar arzandady

NUR-SULTAN. QazAqparat - Qazaqstanda 2019 jyldyń naýryzynda qurylystaǵy baǵalar 2018 jyldyń jeltoqsanymen salystyrǵanda 0,1%-ǵa, qańtar-naýryzda 2,9%-ǵa artqan, dep habarlaıdy QazAqparat QR Ulttyq ekonomıka mınıstrligi Statıstıka komıtetine silteme jasap.

Bıyl naýryzda ótken jyldyń jeltoqsanymen salystyrǵanda qurylys-montajdyq jumystarǵa baǵa 0,3%-ǵa tómendese, mashına men qural-jabdyqtarǵa 0,8%-ǵa artqan. Al, basqa da jumystar men shyǵyndarǵa 1,7%-ǵa qymbattaǵan. 2019 jyldyń birinshi toqsanynda 2018 jyldyń osy toqsanymen salystyrǵanda sáıkesinshe 3%, 1,5% jáne 4,5%-ǵa joǵarylaǵan.

Jyl basynan qurylys uıymdary satyp alǵan materıaldar, bólshekter men qurylymdar baǵasynyń ındeksi 100% qurady.

Sılıkat pen shlak kirpishteriniń baǵasy 3,9% -ǵa, keramıkalyq plıtkalar men plıtalar 2,7% -ǵa, gıpsokarton 1,3% -ǵa, fıbrotsement - 1,1% -ǵa, tsementtiń - 1% -ǵa artty. Elektr ólsheıtin jabdyqtar 5,5%-ǵa, boıaýlar men emaldar 2,5%, gıps - 0,5%, qurylys eritindileri - 0,4%-ǵa, qubyrlar - 0,1%-ǵa arzandady.