Qazaqstanda bosqyndardy tirkeý erejesi ózgerdi

<p>ASTANA. KAZINFORM &ndash; 2024 jylǵy 20 naýryzdaǵy Eńbek jáne halyqty áleýmettik qorǵaý mınıstri mindetin atqarýshynyń buıryǵymen bosqyn mártebesin berý týraly ótinishterdi tirkeý jáne qaraý qaǵıdalaryna ózgerister engizildi.</p>

Erejeniń birneshe tarmaqtary jańa redaktsııada kórsetilgen. Osylaısha, pana izdeýshi saýalnama júrgizgennen keıin ótinish tirkelgen kúnnen bastap kúntizbelik bes kún ishinde QR Іshki ister organdarynyń barlyq jazbalarymen, sondaı-aq Bas prokýratýranyń Quqyqtyq statıstıka jáne arnaıy esepke alý jónindegi komıtetiniń Quqyq qorǵaý jáne arnaıy organdardyń aqparat almasý júıesiniń hattamalarymen sáıkes tekseriledi.

Baspana izdeýshi atalǵan organdardyń hattamalary boıynsha tekserilgennen keıin ótinish berýshige aýrýlarynyń joqtyǵyna kóz jetkizý úshin mindetti medıtsınalyq tekserýden ótýge joldama beriledi. Sonymen qatar saýalnama arqyly áńgimelesý júrgiziledi.

Eger mindetti medıtsınalyq kýálandyrýdan ótý merzimi ótip ketse, sondaı-aq pana izdeýshi áńgimelesýge kelmegen jaǵdaıda Eńbek jáne halyqty áleýmettik qorǵaý mınıstrligi pana izdeýshi kórsetken turǵylyqty mekenjaıǵa kelmeý sebepterin túsindirý úshin tapsyrys hat jiberedi.

Ótinishti qaraý merzimin uzartý úshin negizder bolǵan jaǵdaıda mınıstrlik tıisti sheshim qabyldaıdy. Ol týraly pana suraýshyǵa eki jumys kúni ishinde habarlanady.

Pana izdeýshi ótinishti qaraý merzimin uzartý úshin bes jumys kúni ishinde Eńbek jáne halyqty áleýmettik qorǵaý mınıstrligine kelmegen jaǵdaıda ótinishti qaraý toqtatylady.