Qazaqstanda boran men kóktaıǵaq bolady

<p>Sınoptıkter respýblıkanyń 15 óńirinde aýa raıyna baılanysty eskertý jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Qazgıdromet» RMQ aqparaty boıynsha, 24 qarashada Astanada túnde qar, kúndiz qar aralas jańbyr jaýady. Kóktaıǵaq bolyp, daýyl soǵýy múmkin. Túnde jáne tańerteń tuman túsedi. Ońtústik-batystan soqqan jeldiń jyldamdyǵy 23-28 m/s jetedi.

Aqmola oblysynda túnde qar, kúndiz qar aralas jańbyr, oblystyń soltústik-batysynda qar aralas jańbyr jaýýy yqtımal. Kóktaıǵaq, boran, tuman bolýy múmkin. Ońtústik-batystan soqqan jel soltústik batysqa aýysyp, ekpini 15-20, keı jerlerde 23-28 m/s jetedi. Oblystyń batysy men soltústiginde sekýndyna 30 metrge baratyn, tipti odan da kúshti jel turýy múmkin.

Aqtóbe oblysynyń ońtústik-shyǵysynda túnde qalyń qar jaýady, oblystyń ońtústiginde kóktaıǵaq, jaıaý burqasyn bolady. Túnde ońtústikte, kúndiz soltústigi men batysynda soltústik-batystan soqqan jel ońtústik-batysqa aýysyp, ekpini 15-20 m/s jetedi.

Atyraý oblysynyń soltústigi men shyǵysynda kúndiz kóktaıǵaq bolady. Soltústik batystan soqqan jel ońtústik-batysqa aýysyp, jyldamdyǵy sekýndyna 15-20 metrge jetedi.

Shyǵys Qazaqstan oblysynyń soltústigi, shyǵysy men ońtústiginde ońtústikten, ońtústik-batystan jel turady. Ekpini – 23 m/s.

Jetisý oblysynyń taýly aımaqtarynda túnde jáne tańerteń tuman túsedi., Kúndiz Alakól kóli aýmaǵynda ońtústik-shyǵystan soqqan jel jyldamdyǵy 15-20, keı jerlerde 23-28 m/s bolady.

Batys Qazaqstan oblysynyń batysy, soltústigi men shyǵysynda kúndiz kóktaıǵaq bolady. Oblystyń batysynda tuman túsedi. Soltústik-batystan soqqan jel ońtústik-batysqa aýysyp, kúndiz oblystyń batysy, soltústigi men shyǵysynda ekpini 15-20 m/s jetedi.

Qaraǵandy oblysynyń batysy men soltústiginde boran turyp, kóktaıǵaq bolýy yqtımal. Túnde oblystyń soltústiginde, kúndiz oblystyń kóp bóliginde ońtústik-batystan, ońtústikten 15-20 m/s jel turady.

Qostanaı oblysynyń ońtústiginde jaýyn-shashyn túsedi. Oblystyń shyǵys, ońtústik jáne ortalyq bóliginde kóktaıǵaq bolady, tuman túsedi. Soltústigi, shyǵysy men ortalyǵynda boran soǵady. Oblystyń ońtústigi, shyǵysyna ońtústik-batystan, batystan jel turyp, ekpini 15-20, keı jerlerde 23-28 m/s deıin barady.

Qyzylorda oblysynda batystan jel turady, túnde oblystyń kóp bóliginde ekpini 15-20, oblystyń soltústiginde 25 m/s, kúndiz soltústigi men ortalyǵynda 15-20 m/s bolady.

Mańǵystaý oblysynyń soltústik-shyǵysynda túnde qatty jaýyn-shashyn bolady. Oblystyń soltústigi men soltústik-shyǵysynda tuman túsip, kóktaıǵaq bolýy múmkin. Soltústik-batystan soqqan jel ońtústik-batysqa aýysyp, túnde batys, soltústik-shyǵysynda jyldamdyǵy 15-20 m/s jetedi.

Pavlodar oblysynyń soltústigi, ońtústigi men shyǵysynda kóktaıǵaq, oblystyń batysy men ońtústiginde jaıaý burqasyn bolady. Batysy men ońtústiginde ońtústik-batystan 15-20 m/s jel soǵyp, ekpini 25 m/s deıin barady.

Soltústik Qazaqstan oblysynyń kóp bóliginde jaýyn shashyn túsedi. Kúndiz oblystyń ońtústik-shyǵysynda qar jaýady, kóktaıǵaq, boran bolady. Ońtústik-batystan soqqan jel soltústik-batysqa aýysyp, 15-20 m/s, túnde keı jerlerde 30 m/s, tipti odan da kúshti bolady.

Túrkistan oblysynyń ońtústiginde túnde jáne tańerteń tuman túsedi.

Ulytaý oblysynyń soltústigi, shyǵysynda kóktaıǵaq bolýy yqtımal. Ońtústik, ońtústik-batystan jel soǵyp, túnde oblystyń soltústiginde, kúndiz basym bóliginde jyldamdyǵy 15-20, keı jerlerde 23-28 m/s jetedi.