Qazaqstanda bolý talaptaryn buzǵan reseılikterge qandaı jaza qoldanylady

ASTANA. QazAqparat – Reseı Federatsııasynyń azamattary Qazaqstanda 90 kún júre alady. Bul merzim aıaqtalǵan soń jumysqa, oqýǵa, emdelýge, bıznes-ımmıgranttarǵa jáne otbasyn biriktirý nemese ýaqytsha turýǵa ruqsat rásimdeý qajet, dep habarlaıdy QazAqparat tilshisi.

Alǵashqy úsh táýlik ishinde elde bolý merzimin buzǵany úshin jaı ǵana eskertý jasalady, 3-5 táýlikke deıin – 10 AEK aıyppul salynady, bul 31 myń 800 teńge, 5-10 táýlikke deıin – 15 AEK (47 myń 700 teńge) mólsherinde aıyppul bar.

Eger shetel azamaty Qazaqstanda 10 táýlikten artyq zańsyz bolsa, oǵan 25 AEK (79 myń 500 teńge) aıyppul salynady nemese QR aýmaǵynan shyǵarylady.

«Ákimshilik jaza qoldanylǵan soń bir jyl ishinde qaıtalap jasalǵan áreketter úshin 15 AEK mólsherinde aıyppul salynady nemese Qazaqstan Respýblıkasynan tys jerlerge ákimshilik tásilmen shyǵarylady», - delingen QR Іshki ister mınıstrliginiń habarlamasynda.

Zańsyz qyzmet atqarǵany úshin 25 AEK mólsherinde aıyppul nemese 10 táýlikke deıin ákimshilik qamaqqa alý nemese elden ákimshilik tásilmen shyǵarý kózdelgen.