Qazaqstanda bolý merzimin buzǵan sheteldikterge qansha aıyppul salynady

ASTANA. QazAqparat – Elimizge jumys babymen nemese oqý úshin 30 táýlikten astam merzimge kelgen sheteldikterge ýaqytsha turýǵa ruqsat resimdeledi. Bul týraly Astana qalasy polıtsııa departamenti kóshi-qon qyzmeti basqarmasynyń basshysy Erbol Mahmetov málim etti, dep habarlaıdy QazAqparat tilshisi.

«Elimizge kelgen shetel azamattary men olardy qabyldaǵan jaqtan Qazaqstanda bolý zańnamasynyń buzylýyna jol bermeýin suraımyz», - dedi Erbol Mahmetov polıtsııa departamentinde ótken baspasóz máslıhatynda.

Onyń aıtýynsha, elimizde bolý qaǵıdalary buzylǵan jaǵdaıda sheteldikter ákimshilik- qylmystyq kodekstiń 517-baby boıynsha ákimshilik jaýapkershilikke tartylady. ıAǵnı Qazaqstanda bolý merzimin buzý.

Aıyppuldyń mólsheri bolý merziminiń buzylýyna baılanysty taǵaıyndalady. Mysaly, 3 táýlikke deıin – eskertý, 5 táýlikke deıin – 10 AEK (aılyq eseptik kórsetkish), 10 táýlikke deıin 15 AEK.

Eger shetel azamaty elimizde bolý merzimin 10 táýlikten artyq buzsa, onda ákimshilik hattama sotqa jiberiledi. Sottyń sheshimimen aıyptyǵa 25 AEK kóleminde aıyppul salynady nemese elden shyǵarylady.

«Elge 30 táýlikten astam merzimge kelgen shetel azamattaryna (jumys, oqý, emdeý, bıznes-ımmıgranttar úshin, sondaı-aq otbasyna kelý jáne turaqty turý maqsatynda) ýaqytsha turýǵa ruqsat resimdeledi. Jyl basynan beri 27 731 ruqsat resimdeldi», - dep qorytyndylady spıker.