Qazaqstanda bolǵan órt oqıǵalarynyń basty sebebi nede

NUR-SULTAN. QazAqparat – QR Tótenshe jaǵdaılar mınıstrligi Órtke qarsy qyzmet komıteti basqarma tóraǵasynyń mindetin atqarýshy Tileýberdi Mádıev elimizde órt oqıǵalarynyń týyndaýynyń basty sebebin aıtty, dep habarlaıdy QazAqparat tilshisi.

«Elimizdegi órt oqıǵalarynyń negizgi úlesi turǵyn úı sektoryna tıesili, ol 58% paıyzdy quraıdy jáne 18% paıyzy kóliktermen baılanysty. Jalpy elimizde osy kúnge deıin bolǵan órttiń negizgi saldaryna kelsek, 34% paıyzy (2,5 myńnan astam jaıt) elektr jabdyqtaryn montajdaý jáne paıdalaný erejelerin saqtamaý saldarynan bolyp otyr. Sonymen qosa 29% paıyzy (2 myńnan astam jaıt) ot jaǵý kezinde adamdardyń abaısyzdyǵynan bolady jáne 12% paıyz peshti ornatý jáne paıdalaný kezinde órt qaýipsizdigi erejesin buzýmen baılanysty», - dedi T. Mádıev OKQ-de ótken baspasóz máslıhatynda.

Sonymen qatar, TJM ókili joǵaryda atap ótken órt saldary boıynsha mysalda keltirdi.

«Bıyl 16 qyrkúıekte Qostanaı qalasynda jeke turǵyn úı aýmaǵynda qurylys-montajdaý jumystaryn júrgizý kezinde garaj jertólesinde gaz-aýa qospasy jarylǵan. Saldary tıisti erejeniń saqtalmaýy. Ókinishke qaraı, kúıik alǵan eki eresek adam aýrýhanada qaıtys boldy. Búginde atalǵan oqıǵanyń mán-jaıyn Qostanaı qalalyq polıtsııa departamenti qarap jatyr», - deıdi ol.

Buǵan deıin komıtet basshysy Qazaqstanda órt oqıǵalary 7,8 paıyzǵa deıin azaıǵanyn aıtty.

https://kaz.inform.kz/news/kazakstanda-ort-okigalary-7-8-payyzga-azaydy-tzhm_a3839687