Qazaqstanda bıznesti sýbsıdııalaıtyn jańa mıkronesıeleý baǵyty iske qosylady
Úkimet otyrysynda baıandama jasaǵan Ulttyq ekonomıka mınıstri Rýslan Dálenovtiń aıtýynsha Ulttyq bank baǵdarlamasy men «Bıznestiń jol kartasy» sheńberinde shaǵyn jáne orta bıznesti qoldaý boıynsha qyzmet túrleri keńeıtilýde. Onyń sózinshe nesıeleý rásimderi jeńildetiledi. Sondaı-aq, «Bıznestiń jol kartasy – 2025» memlekettik baǵdarlamasynda bıznes úshin mıkrokredıtterdi sýbsıdııalaýdy qarastyratyn jańa «Mıkronesıeleý» baǵyty iske qosylady.
«Osy sharalardyń barlyǵy syrtqy syn-qaterlerdiń teris saldaryn azaıtýǵa baǵyttalǵan. Sondaı-aq, keshendi jospar ekonomıka salalaryndaǵy jedel máselelerdi sheshýge, ishki óndiris pen kásipkerlikti qoldaýǵa múmkindik beredi. Osylaısha, ekonomıkalyq belsendilikti qalpyna keltirýge yqpal etetin bolady. Jalpy, keshendi jospardy júzege asyrýǵa búgingi kúni
49 zańnamalyq aktige túzetýler engizý josparlanýda. Bul – 11 kodeks pen 38 zań», - deıdi Rýslan Dálenov.