Qazaqstanda bıznes-klımatty jaqsartý reformalarynyń 8-toptamasy qabyldanady

NUR-SULTAN. QazAqparat - Zańnamalyq sharalardyń 8-shi toptamasy aıasynda bıznesti damytý úshin qolaıly jaǵdaı jasaý boıynsha zańnamalyq túzetýlerdi engizý kózdelip otyr, dep habarlaıdy QazAqparat tilshisi.

«Bıznes-klımatty jaqsartý boıynsha reformalardyń 8-shi toptamasy aıasynda aldymen sharttardy tirkeý rásimin jeńildetý josparlanǵan. Sondaı-aq, qosymsha qun salyǵyn tóleýshini tirkeý rásimi jyldamdaıdy. Bıznesti tirkeý kezinde onlaın rejimde bank shotyn avtomatty túrde ashý kózdeledi. Sondaı-aq jekelegen rásimder boıynsha qaıtalanatyn artyq habarlamalar alynyp tastalady. Zańdy tulǵalar boıynsha jyljymaıtyn múlik týraly aqparat ashylady. Bul bıznes-operatsııalardy qolaıly jasaýǵa múmkindik beredi», - dedi Ulttyq ekonomıka mınıstri Rýslan Dálenov Úkimet otyrysynda.

Mınıstr sonymen qatar «Bızneske arnalǵan úkimet» servısiniń artyqshylyqtaryn atady.

«Qyzmet kórsetýdiń biryńǵaı keńsesi qaǵıdaty boıynsha memleket pen bıznestiń ózara is-qımylynyń jańa formaty engiziledi. «Bızneske arnalǵan úkimet» biryńǵaı keńsesinde kásipkerler óz bıznesin damytý, quzyretterdi arttyrý men qarjylandyrý máseleleri boıynsha qyzmetter men konsýltatsııalardyń aýqymdy jıyntyǵyna ıe bolmaq. Biryńǵaı keńsede kásiporyn ashý, salyq deklaratsııasyn berý, bank sharttaryn salystyrýǵa jáne basqa da áreketterdi jasaýǵa bolady. ıAǵnı, endi kásipkerler týyndaǵan barlyq suraqtardyń jaýabyn biryńǵaı keńseden alady. «Bızneske arnalǵan úkimet» jobasyn iske qosý osy jyldyń maýsym aıyna josparlanǵan», - dedi ol.

Eske sala ketsek búgingi Úkimet otyrysynda Asqar Mamın Ulttyq ekonomıka mınıstrligine 1 shildege deıin «Bızneske arnalǵan Úkimet» jobasyn iske qosýdy tapsyrǵan bolatyn.