Qazaqstanda bıylǵy jazǵy shomylý maýsymynda 319 adam sýǵa batyp ketken

NUR-SULTAN. QazAqparat – Bıylǵy jyldyń jazǵy shomylý maýsymynda Qazaqstan boıynsha 319 adam sýǵa batyp ketken. Onyń ishinde 95 kámeletke tolmaǵan bala bar, dep habarlaıdy QazAqparat.

Bul málimetter QR Tótenshe jaǵdaılar mınıstrliginiń baspasóz qyzmeti tartqan aqparattan málim boldy.

Baspasóz qyzmetine málimetterine qaraǵanda, jazǵy shomylý maýsymynda balalardyń sýǵa batyp ketý jaǵdaılaryny 82% ata-analardyń balalaryn qaraýsyz qaldyrýynan bolǵan.

Al jalpy sýǵa ketkender týraly aıtatyn bolsaq, onyń negizgi sebebibirinshi kezekte óz kúshin jete baǵalamaýmen baılanysty. Mundaı jaǵdaı bıyl 170 ret bolǵan. Mas kúıinde shomylyp sýǵa ketkender – 73, sý aıdynyna qulaý – 68, júze almaýdyń saldaryna mert bolǵandar – 34, balyq aýlaý kezinde qaýipsizdik qaǵıdalaryn buzyp kóz jumǵandar – 24, sýǵa batqandardy qutqarý kezinde 13 adam mert boldy. Júzý quraldaryn paıdalaný kezinde qaýipsizdik qaǵıdalaryn buzǵan 8 adam ómirimen qoshtasty.

«Sýǵa shomylý maýsymynyń aıaqtalýyna qaramastan, qutqarýshylar sý aıdyndarynda adamdardyń óliminiń aldyn alý boıynsha profılaktıkalyq jumysty jalǵastyrýda, óıtkeni kúzgi kezeńniń bastalýymen ań aýlaý jáne balyq aýlaý maýsymy bastalady», - QR TJM baspasóz habarlamasynda.