Qazaqstanda bıyl 48 adam poıyzdyń astyna túsip mert bolǵan
07:25, 28 Qyrkúıek 2022
ASTANA. QazAqparat - Jyl basynan beri kóliktegi polıtsııa departamentiniń qyzmet kórsetý aýmaǵynda poıyzdardyń shuǵyl tejelýiniń 1472 faktisi tirkeldi, dep habarlaıdy QazAqparat.
Onyń ishinde temir jol alqabynda mal jaıylýyna baılanysty - 1014, temirjol tóseminde adamdardyń bolýyna baılanysty - 288 fakti.
Sondaı-aq jyljymaly qurammen adamdy basyp ketýdiń 69 faktisi boldy, onyń ishinde qaza bolǵandar - 48 adam, 21 adam jaraqat alǵan. Kámeletke tolmaǵandar sany - 10.
«Temir jol - asa qaýipti aımaq. Osyǵan oraı kólik polıtsııasy qaraýsyz qalǵan mal poıyz qozǵalysynyń qaýipsizdigine qaýip tóndiretinin eskertedi. Azamattar mal jaıý erejesin múltiksiz saqtaýy jáne temir jol mańynda mal jaımaýy tıis» dep eskertedi polıtsııa.