Qazaqstanda bıyl 15 birdeı Tsıfrlyq HQKO ashylady
«Bıyl elimizde 15 birdeı Tsıfrlyq Halyqqa qyzmet kórsetý ortalyǵy ashylady. Bul baǵyttaǵy qadam azamattarymyzdyń tsıfrlyq daǵdysyn arttyrýǵa jol ashady. Sonymen qatar, 21 mıllıon qyzmetti qysqartýǵa jol ashady», - deıdi «Azamattarǵa arnalǵan úkimet» memlekettik korporatsııasy basqarmasynyń tóraǵasy Abylaıhan Ospanov QR Aqparat jáne kommýnıkatsııalar mınıstrliginiń keńeıtilgen alqa májilisinde.
Onyń aıtýynsha, 2017 jyly memlekettik korporatsııa 38 mıllıonnan astam memlekettik qyzmet túrin kórsetken. Onyń ishinde 24 mıllıony elektrondy túrde bolǵan. Al bıyl sonymen qatar, kem degende eki mıgratsııalyq HQKO men mamandandyrylǵan HQKO jumysyn bastaıdy.
«2018 jyly «Tsıfrlyq Qazaqstan» baǵdarlamasy boıynsha memlekettik korporatsııa aldynda halyqtyń tsıfrlyq saýattylyǵyn 77 paıyzǵa arttyrý mindeti qoıylady», - dep túıdi Abylaıhan Ospanov.