Qazaqstanda biryńǵaı bıznes tizilim iske qosylady
«Memleket kásipkerlerge qolaıly jaǵdaı jasaý úshin kóp dúnıe jasap jatyr. Máselen, 2020 jyldan bastap mıkro jáne shaǵyn bıznes sýbektilerin tekserýge úsh jylǵa tyıym salý kúshine enedi. Jáne de qoǵam da bıznesten qaýipsiz ári sapaly taýarlar men qyzmetter shyǵarýy úshin adal jumys júrgizýin talap etýge quqyly. «Atamekende» adal bıznesmenderdi qorǵaý jáne qoldaý úshin jumys iseıtindigin birneshe márte málimdegen bolatyn. Degenmen, qandaı bıznesmen adal, al qaısysy adal emes? Bul saýalǵa eshkim de birjaqty jaýap bere almaıdy», - dedi ol Bıznesti qorǵaý jónindegi IV forýmda.
Onyń atap ótýinshe, bul mindetti sheshý úshin «Atameken» ulttyq kásipkerler palatasy kásipkerlik sýbektileriniń biryńǵaı bıznes tizilimin ázirlep jatyr. Atalǵan tizilimdi ázirleý barysynda búkil álemge tanymal Dun & Bradstreet, SPARK halyqaralyq ádistemesi negizge alynǵan.
«Biryńǵaı bıznes tizilim memlekettik organdardyń barlyq málimetter bazasymen yqpaldastyrylatyn bolady. Tizilimdi 2020 jyldyń 2-toqsanynda iske qosý josparlanǵan. Jol kartasy aıasynda alǵa qoıylǵan mindetterdi tolyqtaı júzege asyrýda óńirlerdegi jumystardy da kúsheıtý mańyzdy», - dedi Rýstam Júrsinov.