Qazaqstanda biryńǵaı aýyl sharýashylyǵy salyǵy engizilmek

ASTANA. QazAqparat - Aýyl sharýashylyǵy mınıstrligi aldaǵy ýaqytta elimizde biryńǵaı aýyl sharýashylyǵy salyǵyn engizýdi kózdep otyr, dep habarlaıdy «QazAqparat» HAA tilshisi.

«Aýyl sharýashylyǵy ónimin óndirýshilerine salyq salý júıesin jetildirý úshin mınıstrlik bıznestiń usynysy boıynsha biryńǵaı aýyl sharýashylyǵy salyǵyn (BAShS) engizý boıynsha jumys júrgizedi. Salyq salýdyń mundaı tártibi taýar óndirýshiler úshin kúrdeli salyq esebin jeńildetip, salyq organdarynyń alymy men aıyppulyn tómendetýge múmkindik beredi», - deıdi QR Aýyl sharýashylyǵy birinshi vıtse-mınıstri Arman Evnıev Parlament Senatynda ótken jıynda.

Onyń aıtýynsha, bul qadam aýyl sharýashylyǵy ónimin óndirýshilerge salyq esebin esepshisiz júrgizýge jol ashpaq. 

«ıAǵnı, kez kelgen taýar óndirýshi qosymsha esepshisiz-aq jumysyn sheshetindeı bári de qarapaıym ári túsinikti bolýy kerek. Sonymen qatar, aýyl sharýashylyǵy kooperatıvterine salyq salý baǵytynda kedergiler bar. Buǵan qosa ishki tranzaktsııasynyń salyq salýy men aýyl sharýashylyǵy kooperatıvteriniń túsimine salyq salýdy shekteý de qarastyrylady», - deıdi vıtse-mınıstr.