Qazaqstanda birlesken kompanııa qurǵan sheteldik munaı-gaz kompanııalaryna basymdyq beriledi
Búgin «Nur Otan» partııasynyń Májilistegi fraktsııasy janyndaǵy Ekonomıkalyq saıasat keńesiniń otyrysynda Energetıka mınıstri Vladımır Shkolnık osylaı málim etti. Eske salaıyq, keńeste «Nur Otan» partııasy Saılaýaldy tuǵyrnamasynyń «Innovatsııalyq ekonomıka» baǵyty boıynsha máseleler talqylanǵan edi.
«Munaı jáne gaz ındýstrııasynda tehnologııalyq tozýshylyqty tez eńserýdiń birden-bir joly - birlesken kásiporyndar qurý. Sondyqtan da, munaı-gaz keni salasyndaǵy tenderler aıasynda qazaqstandyq ǵylymı ınstıtýttarmen, otandyq ǵalymdarmen, bizdiń uıymdarmen ǵylymı qamtymdy, joǵary tehnologııalyq jumystardy birlese júzege asyratyn sheteldik merdigerlerge basymdyq beriledi. Ondaı kompanııalar birlesken kásiporyn qurýǵa mindetti bolýy kerek», - dedi V. Shkolnık.