Qazaqstanda birqatar sportta bas jattyqtyrýshylar qyzmetten ketýi múmkin

ŞÝChINSK. QazAqparat – Qazaqstanda qysqy birneshe sport túri boıynsha bas jattyqtyrýshylardyń qyzmeti qaıta qaralady. Bul týraly QR Mádenıet jáne sport mınıstri Dáýren Abaev málim etti, dep habarlaıdy QazAqparat tilshisi.

«Nátıje úshin bas jattyqtyrýshy jaýap beredi. Nátıje taǵaıyndalǵannan keıin 2-3 jyldan keıin bolýy kerek. Al bizde 10 jyl boıy bas jattyqtyrýshy bolyp, esh nátıje kórsetpeıtinder bar. Sondyqtan keıbir bas jattyqtyrýshylardyń qyzmetten ketkeni abzal. Bul - zańdy qubylys. Osy oraıda birneshe sport túri boıynsha bas jattyqtyrýshylardyń qyzmetin qaıta qaraýdy tapsyramyn. Aıtalyq, shańǵy jarysy, bıatlon, frıstaıl-akrobatıka, tramplınnen shańǵymen sekirý sekildi sport túrleri», - dedi Dáýren Abaev Şýchınskide ótken XXIV qysqy olımpıada oıyndarynyń qorytyndysyna arnalǵan keńeıtilgen otyrysta

Mınıstrdiń aıtýynsha, kelesi olımpıadaǵa daıyndyqty búginnen bastaý kerek.

«Tokıo jáne Beıjiń olımpıadasy nátıjesinde otandyq sporttyń shama-sharqyn kórdik. Endigi sharýa shuǵyl sheshim qabyldap, olımpıadaǵa daıyndyqty odan ári jalǵastyrý. Erteń emes búginnen bastap qolǵa qajet», - deıdi ol.

Buǵan deıin vedomstvo basshysy Beıjiń olımpıadasynyń qorytyndysyna qatysty túsinik berdi.

Sondaı-aq, D. Abaev sport tóreshileriniń jalaqy problemasyn kóterdi.