Qazaqstanda bir jylda irimshik 31 paıyzǵa qymbattady

ASTANA. QazAqparat - Qazan aıynda Qazaqstanda qatty irimshiktiń ortasha baǵasy kelisine 4 378tg qurady. Ótken jyldyń qazan aıymen salystyrǵanda atalmysh ónim 31,4% -ǵa qymbattady, dep habarlaıdy QazAqparat.

Óńirler arasynda qatty irimshik baǵasy Qaraǵandy qalasynda eń qymbat, munda irimshiktiń ortasha baǵasy 5 356 teńge deńgeıinde.

Astanada ortasha baǵa 4 880 teńge bolsa, Almatyda irimshiktiń kelisi úshin orta eseppen 4 700 teńge tóleý qajet, Tarazda – 4 782 tg.

Eń arzan irimshik kelisi Qonaev qalasynda – 3 153 tg.

2022 jyldyń qańtar-tamyz aılary aralyǵynda Qazaqstanda 24 409,9 tonna irimshik pen súzbe óndirildi, bul ótken jyldyń sáıkes kezeńimen salystyrǵanda 8,3%-ǵa az.

Qazaqstandyq irimshik (súzbeni qosa alǵanda) negizinen TMD elderine (RF, Armenııa, Qyrǵyzstan, Ázerbaıjan, Ózbekstan), sondaı-aq Koreıa men Mońǵolııaǵa eksporttaldy.

Importtyń negizgi kólemi RF, Belarýs, Ýkraına, Latvııa, Iran elderinen keledi.