Qazaqstanda bir jylda 126 jekemenshik mektep ashyldy – mınıstrlik
14:52, 24 Aqpan 2021
NUR-SULTAN. QazAqparat - Sońǵy eki jylda elimizde jekemenshik mektepterdiń qurylysy belsendi júrip jatyr. Barlyq oqý uıymdary memlekettik bilim berý tapsyrysyn alady. Bul týraly Bilim jáne ǵylym vıtse-mınıstri Bıbigúl Asylova áleýmettik jelidegi paraqshasynda jazdy.
«2019-2020 jyldary 40 myńnan astam oqýshyǵa arnalǵan 126 jekemenshik mektep ashyldy. Buǵan menshik nysanyna qaramastan, jalpy bilim beretin mektepterde jan basyna shaqqandaǵy qarjylandyrýdy jáne memlekettik qoldaý quraldaryn engizý yqpal etti. Mektepterdiń qurylysy esebinen oqýshy oryndarynyń tapshylyǵy, úsh aýysymdy mektepter máselesi sheshimin tabady», - dep atap ótti Bıbigúl Asylova.
Vıtse-mınıstr atap ótkendeı, memlekettik-jekeshelik áriptestik sheńberindegi yntymaqtastyqqa qatysty konsýltatsııany baǵdarlama operatory - «Qarjy ortalyǵy» AQ beredi.