Qazaqstanda biliktiligi tómen sýdıalardy bosatýdyń jańa tártibi qandaı
«Búginde salada jumys istep júrgen sýdıalarǵa qandaı talaptar qoıylady degen suraqtar týyndap jatady. Kez kelgen kompanııada, quqyq qorǵaý organdarynda qyzmetker óziniń jumysyn durys atqarmasa, ony birden qyzmetinen bosatady. Al sot júıesinde olaı emes. Bizde jumystan bosatý kúrdeli ári kóp satyly rásim. Sondyqtan sýdıalardyń deńgeıin baǵalaıtyn arnaıy júıe qurmaqpyz. Osyndaı sharalar Ekonomıkalyq yntymaqtastyq jáne damý uıymy elderinde qoldanylady. Búgin Senatta qaralyp otyrǵan zańdar qabyldansa, onda sot sapasy jónindegi úlken komıssııa qurylady», - dedi Jaqyp Asanov.
Osy oraıda ol atalǵan komıssııa jumys istep júrgen sýdıalardyń deńgeıin tekserip, baǵa beretinin atap ótti.
Budan buryn habarlanǵandaı, búgin Parlament Senatynyń jalpy otyrysynda «Qazaqstan Respýblıkasynyń sot júıesi men sýdıalarynyń mártebesi týraly» QR Konstıtýtsııalyq zańyna ózgerister men tolyqtyrýlar engizý týraly» Konstıtýtsııalyq Zańy jáne «Qazaqstan Respýblıkasynyń keıbir zańnamalyq aktilerine sot júıesin jańǵyrtý máseleleri boıynsha ózgerister men tolyqtyrýlar engizý týraly» Zańy qabyldandy.
Zańnyń maqsaty sot júıesin jańǵyrtý, sýdıa kadrlaryn sapaly damytý jáne jańartýǵa negizdelip otyr.