Qazaqstanda benzın tapshylyǵy sezilse ımporterlar baǵany kóterip jiberedi
«2016 jyldyń qańtarynda búkil álemniń barlyǵy bir barrel munaıǵa 50 dollar degen baǵa arzan dep jatsa, biz «Atyraý munaı zaýytynda» tonnasyn 50 AQSh dollaryna satyp otyrdyq. Búkil álemniń baǵasymen salystyrǵanda bul eki ese arzan edi. Bir jyldyń ishinde Úkimet tarapynan kóptegen sharalar qolǵa alyndy. Birinshiden, benzın, dızeldik otynnyń baǵasyn Úkimet tarapynan retteý toqtatyldy. Ekinshiden, munaı óńdeý zaýytynan shyǵatyn bıtýmge nemese mazýtqa ekporttyq baj salyǵy azaıtyldy. Sol arqyly zaýyttarymyz munaıdyń baǵasyn ósirýge múmkindik aldy. Qazirgi «Atyraý munaı óńdeý zaýytynda» baǵa 50 AQSh dollarynyń shamasynda bolsa, «Shymkent munaı óńdeý zaýytynda» benzınniń mólsheri kóp bolǵandyqtan, baǵany 200 AQSh dollar shamasynda ustap otyr, - dedi Áset Maǵaýov.
Sondaı vıtse-mınıstri osyndaı jumystardy qolǵa almasaq, munaı óńdeý zaýyttaryna beretin óndirýshilerdiń ary qaraı jaǵdaı tómendep, kúrdeli suraqtar týyndaýy múmkin ekendigin jetkizdi.
«2014-2017 jylǵa deıig Qyzylorda, Aqtóbe oblystarynda bizdiń zaýyttarǵa munaı beretin kompanııalar ózderiniń munaıóndirý kólemin 17 mıllıon tonnadan 12 mıllıonǵa deıin azaıtty. Sondyqtan bizdiń naryqqa ótken jaǵdaıda qazirgi saıasatty jalǵastyryp, eshqandaı Úkimet tarapynan baǵaǵa aralasý áreketi bolmaýy kerek. Sonyń arqasynda Qazaqstannyń munaı óndirýi kólemi ósedi», - vıtse-mınıstr.
Onyń aıtýynsha, elimizde benzın jetispeýshiligi sezilse, Reseıden keletin ımporterler baǵany birden kóterip jiberedi.
«Reseı Federatsııasynan ımport kóptep keledi. Árıne, BAQ arqyly benzınniń jetispeýshiligi bar dep estıtindikten, olar kelesi kúni baǵalaryn ósiredi. Baıqap otyrǵanymyzdaı, qańtar aıynda benzınniń baǵasy onda 200 AQSh dollary bolsa, bizdegi janarmaı tapshylyǵyn estigennen keıin baǵany 250 AQSh dollaryna deıin ósirip jiberdi. Álbette, ózimiz benzındi kóptep óndirsek, ondaı jaǵdaı bolmas edi», - dep túıdi ol.