Qazaqstanda benzın óndirisiniń kólemi artty

ASTANA. QazAqparat - Qazaqstanda 2018 jyldyń qańtar-shilde aılarynda benzın shyǵarý kórsetkishi 2123,3 myń tonnaǵa jetip, 2017 jyldyń osy kezeńimen salystyrǵanda 13,1 paıyzǵa artty, dep habarlaıdy QazAqparat Statıstıka komıtetine silteme jasap.

Esep kezeńinde 162 myń tonna kerosın (ótken jyldyń qańtar-shildesimen salystyrǵandaǵy ósim 12 paıyz), 1458,5 myń tonna suıytylǵan propan jáne býtan (+6,6 paıyz), 2667,3 myń tonna gazoıl (-0,5 paıyz), 1713,8 myń tonna mazýt (-5,8 paıyz) óndirildi.

Sondaı-aq 1192,1 myń tonna ferroqorytpa (+5,2 paıyz), 1738,3 myń tonna jazyq prokat (+7,2 paıyz), 88,6 myń tonna tazartylǵan qorǵasyn, (+2,3 paıyz), 192,3 myń tonna myrysh (+1,5 paıyz), 238,2 myń tonna tazartylǵan mys (-3,5 paıyz) óndirilgen.