Qazaqstanda «Belarýs» traktorlaryna kabına shyǵaratyn zaýyt bolady

NUR-SULTAN. QazAqparat – Qostanaı oblysynda Mınsk traktor zaýytymen birlesip zaýyt salynyp jatyr. Bul týraly óńir ákimi Arhımed Muhambetov aıtty, dep habarlaıdy QazAqparat tilshisi.

«Mınsk traktor zaýytymen birlesip «Belarýs» traktorlaryna arnalǵan qýaty jylyna 10 myń kabına shyǵaratyn kabına óndirisi zaýyty salynýda (4,2 mlrd. teńge, shamamen 100 jumys orny, iske qosý merzimi - 2022 jyl)»,- dedi A. Muhambetov Ortalyq kommýnıkatsııalar qyzmetinde.

Onyń aıtýynsha, joba «Belarýs» traktorlarynyń qoldanystaǵy óndirisin jergiliktendirý deńgeıin arttyrýǵa baǵyttalǵan.

«Bul rette, kásiporynnyń taıaýdaǵy josparlarynda traktorlardyń dızeldi qozǵaltqyshtary, plastıkalyq bólshekter (kapot, kabınanyń tóbesi, qanattary), portaldyq beldikter óndirisin jolǵa qoıý maqsatynda jalpy aýdany 16 myń sharshy metr bolatyn taǵy 2 óndiristik korpýs salý kózdelgen», - oblys ákimi.