Qazaqstanda Bed tax týrıstik salyǵy joıyldy

<p>Bed tax týrıstik salyǵyn alyp tastaý týraly sheshim qabyldandy. Bul týraly Ortalyq kommýnıkatsııalar qyzmetinde ótken brıfıngide Týrızm jáne sport vıtse-mınıstri Erjan Erkinbaev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Biz Bed tax salyǵyn joıý sheshimin qabyldadyq. Ol otandyq bıznes úshin de, kelýshi sheteldik týrıster úshin de belgili bir qolaısyzdyqtar týǵyzady», - dedi Erjan Erkinbaev.

Vıtse-mınıstr atap ótkendeı, el boıynsha osy týrıstik alym engizilgen sátten bastap 500 mln teńge jınalǵan.

«Bed tax-tyń ıdeıasy durys bolǵan. Onyń mınýsy – aqsha jergilikti bıýdjette qaldy. Olar ortalyq bir qorǵa tússe, onda onyń paıdasy bizdiń elimizdiń týrızm áleýetin jarnamalaýǵa jumsaýǵa bolatyn edi», - dep túsindirdi Erjan Erkinbaev.

Buǵan qosa ol mınıstrlik synybymen lagerge baratyn balalar úshin ushaq bıletin tegin etýdi usynyp otyrǵanyn aıtty.