Qazaqstanda bazar mafııasy bar ma – mınıstr jaýaby

<p>Senat otyrysynan keıin ótken brıfıngide Saýda jáne ıntegratsııa mınıstri Arman Shaqqalıevke &laquo;Qazaqstanda bazar mafııasy bar ma?&raquo; - degen saýal qoıyldy, dep <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Uzaq ýaqyt boıynda bazar mafııasy bar degen pikir qalyptasty. Biraq dál Astanada bazar ákimshiligimen de, jetkizýshilermen de ózimiz sóılesip júrmiz. Negizi satýshylar jetkizýshilerin biledi. Satýshy retinde siz de kimnen ne satyp alatynyńyzdy bilip turasyz ǵoı. Sol sııaqty. Baǵasy qolaıly ma, sapasy kóńilińizden shyǵa ma, qyzmet kórsetý jaǵy unaı ma, bárin eskeresiz. Munda da dál soǵan uqsas protsess», - dedi Arman Shaqqalıev.

Mınıstr bazar mańynda qandaı da bir toptar paıda bolsa, dereý máseleni sheship tastaıtyndaryna senimdi ekenin aıtty.

«Qazir qandaı da bir toptar bar dep aıta almaımyz. Ondaı faktiler bolsa, sizge týrasyn aıtaıyn, biz kez kelgen toptyń máselesin sheshemiz. Quqyq qorǵaý organdary arqyly da, óz baǵytymyz arqyly da. Men mundaı bolmaıdy dep aıtpaımyn, bolady. Biraq toptardyń sebebinen emes, josyqsyz básekeniń saldarynan bolady. Bireý ózin biregeı jetkizýshi etip alǵysy keledi degendeı. Ómirde ondaı bolady. Oǵan áreket etip otyramyz. Jármeńkelerge kelsek, óńirlerde ondaı dabyldar tússe, óńirlik departamentter jedel áreket etedi. Ondaı faktiler bolyp turady, biraq jappaı, uıymdasqan sıpaty bar dep aıta almaımyn», - dedi mınıstr.