Qazaqstanda basymdyqty emes salalardaǵy tabysty kásiporyndarǵa qoldaý kórsetiledi
14:53, 17 Mamyr 2014
ASTANA. QazAqparat - Qazaqstanda basymdyqty emes salalardaǵy tabysty kásiporyndarǵa qoldaý kórsetiledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Premer-Mınıstrdiń orynbasary - Indýstrııa jáne jańa tehnologııalar mınıstri Áset Isekeshev málim etti.
«Basymdyqty baǵdarlama qataryna kirmegen kez kelgen kásiporyn ónimdiliktiń joǵary deńgeıi, eksportqa baǵdarlyǵy jáne tolyqtaı alǵanda joba tıimdiligi jaǵdaıy boıynsha qoldaýǵa ıe bola alady», dedi ol.
Onyń atap ótýinshe, memlekettik kómektiń shamamen 80 paıyzy basymdyqty salalardy damytatyn kásiporyndarǵa beriletin bolady. Al negizgi qarjy operatory retinde «Báıterek» holdıngi anyqtalǵan.
Aıta keteıik, búgin Qazaqstan Úkimeti ındýstrııalandyrý baǵdarlamasynyń ekinshi besjyldyǵyn maquldaǵan bolatyn.