Qazaqstanda barlyq poıyzdarda Wi-Fi bolady

ASTANA. QazAqparat - «Jolaýshylar tasymaly» AQ basqarma múshesi Almas Aıtpaev Qazaqstannyń barlyq jolaýshylar poıyzynda Wi-Fi qyzmetin qoljetimdi etý máselesine qatysty pikir bildirdi , dep habarlaıdy QazAqparat tilshisi.

«Qazirgi ýaqytta «Tulpar-Talgonyń» birneshe poıyzynda, atap aıtqanda Almaty-Petropavl jáne Almaty-Astana baǵyttaryna Wi-Fi qyzmeti engizildi. 2020-2022 jyldary ózge baǵyttarǵa da engiziledi», - dedi Almas Aıtpaev Astanada ótken brıfıngte.

Sonymen birge, A. Aıtpaev barlyq poıyzdardy Wi-fi qyzmetimen qamtý máselesine toqtaldy.

«2020-2022 jyldarǵa deıin Qazaqstan temir joly barlyq temir jol jelisine Wi-Fi júıesin engizýdi josparlap otyr, sonda barlyq poıyzdarda Wi-Fi qoljetimdi bolady», - dedi ol.