Qazaqstanda barlyq HQKO qyzmetkerleri testileýden ótedi

ASTANA. QazAqparat - «Azamattarǵa arnalǵan úkimet» memlekettik korporatsııasynyń barlyq bólimderinde Qazaqstan respýblıkasynyń zańnamasy boıynsha testileý ótedi. Bul týraly atalǵan korporatsııanyń baspasóz qyzmeti habarlaıdy.

«Qyzmetkerlerdiń biliktilik deńgeıin anyqtaý maqsatynda 2018 jyldyń 15 qańtarynan bastap «Azamattarǵa arnalǵan úkimet» memlekettik korporatsııasynyń barlyq bólimderinde Qazaqstan respýblıkasynyń zańnamasy boıynsha testileý ótedi. Bul synaqtama 14 myńnan astam qyzmetkerdi qamtıdy» delingen habarlamada.

Sondaı-aq, keltirilgen málimet boıynsha korporatsııanyń Basqarma tóraǵasy Abylaıhan Ospanov búgin testileý baǵdarlamasyn tekserip, synaqty joǵary deńgeıde uıymdastyryp, ashyq jáne obektıvti ótkizý úshin bólimder men fılıaldarǵa birqatar tapsyrlamalar berdi.

Bul synaqtamanyń nátıjesi front-ofıs operatorlarynyń kórsetken qyzmetter sapasy men kásibı deńgeıine qaraı aılyq yntalandyrý júıesin engizý kezinde esepke alynatyn bolady.

Sonymen qatar, transformatsııalaý aıasynda memlekettik qyzmetterdi kórsetý sapasyn kóterý, proaktıvti qyzmetterdi engizý jáne nasıhattaý, sapa menedjmenti júıesin engizý, oqytý úshin quzyretti damytý ortalyqtaryn ashý jáne basqa da is-sharalar ótkizý qarastyrylǵan.