Qazaqstanda barlyq aqsha aýdarymdaryna salyq salynady - feık

NUR-SULTAN. QazAqparat – Jelide «Qazaqstanda barlyq aqsha aýdarymdaryna salyq salynady» degen feık aqparat tarady, dep habarlaıdy QazAqparat stopfake.kz saıtyna silteme jasap.

Jaqyn arada banktik mobıldi qosymshalar arqyly barlyq aqsha aýdarymdaryna salyq salynady degen habarlamalar qazaqstandyqtardyń alańdaýshylyǵyn týdyrdy. Bul týraly tanymal RasTime YouTube arnasynyń júrgizýshisi málimdedi.

Ol jeke tulǵalar arnalǵan aqsha aýdarymdaryna salyq salý júıesin ázirleýge shaqyrǵan QR premer-mınıstriniń birinshi orynbasary Álıhan Smaıylovtyń sózine súıenedi.

Rolık avtorynyń aıtýynsha, salyq aýdarym somasy men maqsatyna qaramastan alynady.
QR Qarjy mınıstrligi bul aqparatty joqqa shyǵardy.

« Árbir satyp alý (kartamen tólengen – avt.), dostaryna nemese týystaryna jasaǵan aqsha aýdarymy úshin salyq tóleýge týra keletini týraly aqparat shyndyqqa sáıkes kelmeıdi. Jeke tulǵalardyń birde-bir aqsha aýdarymyna salyq salynbaıdy jáne mundaı salyqty engizý josparda joq. Bul vıdeoda jalǵan aqparat usynylǵan « , – dep habarlady vedomstvodan.

Álıhan Smaıylovtyń kásipkerlerdiń qyzmetin nemese satylǵan taýarlar úshin aqsha aýdarymdaryn salyq salýmen qamtý qajettigi týraly aıtqany ras. Bul shara tek zańdy tulǵalarǵa ǵana qatysty bolady.

Barshańyzdy tek resmı aqparatqa ǵana senýge shaqyramyz! Jańalyqtyń shynaıylyǵyn bizdiń portaldyń kómegimen tekserýge bolady. Ózińizdi qyzyqtyrǵan aqparatty t.me/stopfake_kz Telegram-arnasyna nemese [phone] WhatsApp nómirine jiberińiz.