Qazaqstanda bári unady – tennısshi Leo Borg

ASTANA. QazAqparat – «Úlken dýlyǵa» týrnıriniń 11 márte chempıony, shvetsııalyq Bern Borgtyń uly, 20 jastaǵy Leo Borg Astanada ótip jatqan Prezıdent kýbogi úshin chellendjer týrnıriniń ekinshi aınalymyna shyǵa almady, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, shvetsııalyq tennısshi alǵashqy aınalymda Belarýs ókili Egor Gerasımovqa ese jiberdi - 5:7, 4:6.

«Birinshi matchta jeńilgen, árıne, ókinishti, degenmen bul - tennıs, kóp ter tógip, alǵa umtylý kerek. Men Astanaǵa kelesi aptaǵa M25 týrnırine qalamyn. Qazaqstanda alǵash ret bolýym, bári óte unady. Búgin ýaqyt bolsa, qalanyń kórikti jerlerin aralaımyn. Ótken jyly munda ATP 500 jarysy ótip, álemniń myqty tennısshileri jınalǵanyn bilemin. Bul el úshin, tennısti keńinen damytý úshin óte keremet. Meni kópshilik Bern Borgtiń uly ǵana emes, oıynyma qarap ta baǵalaıdy. Buryn tek meni ákemmen ǵana salystyratyn. Bul, árıne, qalypty jaıt. Onyń oǵash eshteńesi joq. Eń bastysy, alǵa basý kerek», – dedi Leo Borg.

Qazir Leo Borg reıtıngte 391-orynda. Kásibı sportshy retinde 2022 jyly Sharm-el-Sheıhte (Mysyr) ITF15 dodasynda úzdik shyqty. Sondaı-aq bıyl Djakartada (Indonezııa) ITF25 jarysynda úzdik shyqty.

Eske sala keteıik, budan buryn ıÝlııa Pýtıntsevanyń Gambýrg jarysyn jeńispen bastaǵanyn jazǵan bolatynbyz.

Sondaı-aq Anna Danılına Germanııadaǵy jarystyń shırek fınalyna shyqty.