Qazaqstanda bank aktıvteriniń quny bir jylda 17%-ǵa artqan

NUR-SULTAN. QazAqparat – QR ekinshi deńgeıli bank aktıvteriniń quny bıylǵy jyldyń qyrkúıeginde 29,56 trln teńgeni qurady.

Bul bir aı burynǵy kórsetkishten 1,5% -ǵa, al bir jyl burynǵydan 16,7%-ǵa kóp, dep habarlaıdy QazAqparat saıtynaranking.kz -ke silteme jasap.

Nesıe qorjynyndaǵy qarjy 15,18 trln teńgege jetti, aktıvter quny – 51,4. Bir jyl buryn 54,7%, bes jyl buryn 69,9%, on jyl buryn 76,2% bolǵan. Osylaısha, bankter belsendi operatsııalardy ártaraptandyrýǵa umtylatyny anyq.

QR ekinshi deńgeıli bankterdiń úzdik ondyǵynda aktıvterdiń kólemi boıynsha kórsetkishtiń jyldyq ósimi barlyq bankterde belgilendi.

QEHS boıynsha qarjylyq eseptilikke sáıkes, bıylǵy jyldyń birinshi jartyjyldyǵynyń qorytyndysy boıynsha sektor boıynsha paıyzdyq kiristerdiń jınaqtalýy birkelki emes.

Eske sala keteıik, nesıe qorjyny sııaqty bank aktıvteriniń sapa kórsetkishteriniń biri – alynǵan jáne eseptelgen paıyzdardyń ara qatynasy.

TsentrKredıt bankiniń alynǵan paıyzdarynyń eseptelgen paıyzdarǵa qatynasy – 103,4%. Banktiń aktıvteri jumysynyń eń jaqsy kórsetkishteriniń biri jáne jalpy ótken jyldyń qorytyndysy boıynsha alynǵan paıyzdyq kirister 96,1%-dy qurady.

2020 jyldyń birinshi jartyjyldyǵynda Kaspi Bank (eseptelgen kiristerdiń jınaqtalýy – 89,2%) jáne memlekettik Turǵyn úı qurylys jınaq banki (89,1%) joǵary nátıje kórsetti. Ótken jyldyń qorytyndysy boıynsha eki bankte de joǵary kórsetkishter baıqaldy: sáıkesinshe 90,6% jáne 98%.