Qazaqstanda balalarǵa vaktsına salyna ma – Mınıstr jaýaby

NUR-SULTAN. QazAqparat – QR Densaýlyq saqtaý mınıstri Alekseı Tsoı «Balalarǵa vaktsına salyna ma?» degen suraqqa jaýap berdi, dep habarlaıdy QazAqparat.

«QazVac» boıynsha balalarǵa klınıkalyq zertteýler júrgizilgen joq. Qazaqstan zańnamasyna sáıkes, balalarǵa klınıkalyq synaqtar júrgizýge tyıym salynǵan. Qalǵan vaktsınalarǵa kelsek, ázirleýshilerdiń vaktsınany balalarǵa qoldaný týraly málimetterin kútemiz. Múmkindiginshe el ishinde balalar jasynda qoldanýdy qarastyramyz jáne tıisti sheshim qabyldaımyz», - dep jaýap berdi Densaýlyq saqtaý mınıstri Ortalyq kommýnıkatsııalar qyzmetinde.

Buǵan deıin Alekseı Tsoı «Qazaqstan depýtattary vaktsına saldyrdy ma?» degen suraqqa jaýap bergen edi.

Qazirgi ýaqytta Qazaqstannyń árbir jetinshi azamaty vaktsına aldy.