Qazaqstanda balalarǵa arnalǵan qaýipsiz saıttardyń tizimi jarııalandy

ASTANA. QazAqparat - QR Prezıdentiniń «Bolashaq» halyqaralyq stıpendııasy stıpendıattarynyń qaýymdastyǵy balalarǵa arnalǵan qaýipsiz saıttardyń tizimin jarııalady, dep habarlaıdy «QazAqparat» HAA tilshisi.

Eske sala ketsek, 23 qarashada OKQ-da ótken baspasóz máslıhatynda «Aq saıttar tizimi» tanystyrylǵan bolatyn. Joba jasóspirimder men balalarǵa ǵalamtordy qaýipsiz túrde qoldanýǵa múmkindik beredi. Qazaqstandyq «Aq saıttar tizimine» balalardyń psıhologııalyq, fızıkalyq turǵyda tolyqqandy damýyna múmkindik beretin, tárbıelik mańyzy, taqyryby men mazmuny jaǵynan iriktelgen 3 556 saıt engen. Olardyń 500-i - qazaqstandyq resýrs.

«Jelide balalar men jasóspirimderdi qaýip-qaterlerden qorǵaý úshin qaýipsiz saıttardyń tizimin jasaý qajettiligi týyndaǵan bolatyn. Balalardy ınternettiń qaýipti tustarynan eń aldymen ata-anasy qorǵaı alatynyn bilemiz. Sondyqtan, balalardyń qalyptasýyna ınternet zamanynda abaı bolýy kerektigin bildirgimiz keledi», - deıdi Parlament Májilisiniń depýtaty Baqtııar Máken.

Balalarǵa arnalǵan qaýipsiz «Aq saıttardyń» tizimin myna siltemeden júktep alýǵa bolady.