Qazaqstanda balalardyń quqyǵyn buzatyn 1,5 myńnan astam materıal joıyldy
«Búgingi kúni elimizde aqparattyq saladaǵy zańnamany damytýǵa, Internet jelisin monıtorıngileý tıimdiligin, sonymen qatar qazirgi zamanǵy aqparattyq tehnologııalardy paıdalaný qaýipsizdigi máselelerinde ata-analar men balalardyń aqparattyq saýattylyǵyn arttyrýǵa baǵyttalǵan sharalar qabyldanyp jatyr. 2018 jyldyń shildesinen «Balalardy densaýlyqtary men damýyna zııan keltiretin aqparattardan qorǵaý týraly« QR Zańy qoldanysqa engizilgen», - dep atap ótedi Úkimet basshysy.
Onyń atap ótýinshe, atalǵan Zańnyń qabyldanýy jastardyń aqparattyq qaýipsizdigi máselesin qaıtadan oı eleginen ótkizýge jáne meda-salanyń balalardy tárbıeleý isine teris yqpalynyń aldyn alý boıynsha jumystardy jandandyrýǵa, aqparattyq-kommýnıkatsııalyq tehnologııalardan týyndaıtyn áleýmettik táýekelderdi tómendetýge múmkindik berdi. Balalardy densaýlyǵy men damýyna zııan keltiretin aqparattardan qorǵaýǵa baǵyttalǵan normalar engizildi. Zańnamamen bilim berý uıymdaryna jáne baılanys operatorlaryna tek «súzgiden» ótken qaýipsiz Internet qyzmetin usyný boıynsha talap bekitildi.
«Ákimshilik quqyq uzýshylyq týraly kodekste atalǵan talaptardy saqtamaǵany úshin bilim berý uıymdarynyń jaýapkershiligi kózdelgen. Aıtalyq, 2019 jyly tıisti memlekettik organdar Internet keńistikte balalardyń quqyǵyn buzýmen baılanysty 6,4 myńnan astam oqıǵany anyqtady. Eskertý jumystarynyń nátıjesinde Internet resýrstardyń ákimshileri balalardyń quqyǵyn buzýmen baılanysty 1,5 myńnan astam materıaldy («V Kontakte» - 1491, «Instagram» - 17 «Facebook» - 4) joıdy», - dedi Asqar Mamın.