Qazaqstanda balalardy mindetti vaktsınatsııalaý engizý usynyldy

ASTANA. QazAqparat - QR Úkimet otyrysynda densaýlyq saqtaý máselesin talqylaý barysynda Aqtóbe oblysynyń ákimi Berdibek Saparbaev balalardy mindetti vaktsınatsııalaýdan ótkizýdi usyndy, dep habarlaıdy QazAqparat.

«Taǵy bir másele - balalardy vaktsınatsııalaý. Ótken joly Bas prokýror bastaǵan jumys tobynyń jumysy barysynda mynadaı problema anyqtaldy - dinı sebepterge baılanysty balalarǵa vaktsınatsııa jasalmaýda. Sondyqtan meniń oıymsha, balabaqshaǵa nemese mektepke qabyldar aldynda balalardy mindetti vaktsııanatsııadan ótkizý qajet nemese onyń jasalǵandyǵy jóninde anyqtama suratý kerek. Menińshe, halyq densaýlyǵy jáne densaýlyq saqtaý júıesi týraly kodeks aıasynda osy suraqty qarastyrǵan durys bolady», - dedi Berdibek Saparbaev Úkimet basshysy Baqytjan Saǵyntaevqa qaratyp aıtqan sózinde.

Eske sala keteıik, bıyl ózin Densaýlyq saqtaý jáne áleýmettik damý mınıstrliginiń bas gomeopaty retinde tanystyrǵan Marına Targakovanyń adamdarǵa ekpeden bas tartý týraly áleýmettik jeliler men messendjerler arqyly taratylǵan beınejazý túrindegi lektsııasy Qazaqstanda qyzý talqylanǵan bolatyn. Keıin «bas gomeopattyń» ekpeden bas tartý týraly ınternette taratylǵan aqparat shyndyqqa janaspaıtyndyǵyn resmı bılik jarııa etti. 

Biraq qazirdiń ózinde halyq arasynda ekpe jasatý qajet pe, joq pa degen saýalǵa dıskýssııalar júrip jatyr.