Qazaqstanda balalar qandaı úıirmelerge baryp júr

ASTANA. QazAqparat - Mektep oqýshylaryna arnalǵan sektsııalar men úıirmelerge baratyn balalar sany 2021 jyly 2 689 609 adamdy qurady, dep habarlaıdy QazAqparat ulttyq statbıýroǵa silteme jasap.

2020 jylmen salystyrǵanda úıirmege qatysatyn oqýshy sany 508 myń adamǵa ósti.

Alaıda bul kórsetkish pandemııaǵa deıingi 2019 jylǵy kórsetkishten tómen, ol kezde úıirmege 2 886 131 oqýshy barǵan.

Balalardyń eń kóbi kórkem sýret-estetıka (309 myń adam), voleıbol (237 myń adam), fýtbol jáne til úıirmelerine (árqaısysy 213 myń adamnan) qatysqan.

Al tennıs (77 myń adam), sondaı-aq ekologııa (67 myń adam), kúres (43 496 myń adam) pen týrızm jáne ólketaný (32 myń adam) úıirmelerine baratyn bala sany kóp bolmaǵan.

Sonymen qatar qysqy sport túrlerin úıretetin úıirmelerge baratyn bala sany azyraq (12 myń adam).

Aıta keteıik, úıirme sany 2020 jyly 87 460-tan 2021 jyly 113 752-ge deıin ósken.