Qazaqstanda BAQ ókilderi úshin tegin onlaın-trenıngter ótedi
BAQ ókilderi úshin biliktilikti arttyrý kýrstaryn jáne onlaın-trenıngter serııasyn «Almaty Nomad «Saıahatshylar klýby» qoǵamdyq birlestigi men Armanjan Baıtasovtyń Medıa mektebi uıymdastyrýda.
«Qarjy, quqyq, medıtsına, dinı, sondaı-aq tsıfrlandyrý salalaryndaǵy problemalyq máseleler boıynsha aqparatty halyqqa jetkizý tıimdiligin arttyrý» atty áleýmettik joba QR Aqparat jáne qoǵamdyq damý mınıstrliginiń qoldaýymen «Azamattyq bastamalardy qoldaý ortalyǵy» KEAQ-tyń memlekettik granty aıasynda júzege asyrylýda.
Jobanyń maqsaty – halyqty osy salalarda shynaıy aqparatpen qamtamasyz etý úshin BAQ ókilderiniń qarjylyq, quqyqtyq, medıtsınalyq, dinı, tsıfrlyq saýattylyǵyn arttyrý», - delingen mınıstrlik málimetinde.
Jobanyń trenerleri – otandyq jáne sheteldik jetekshi medıa sarapshylar: «Forbes Kazakhstan» baspageri Armanjan Baıtasov, QR Densaýlyq saqtaý mınıstrliginiń resmı ókili Baǵdat Qojahmetov, Forbes.kz portalynyń bas redaktory Anastasııa Novıkova, qoǵam qaıratkeri jáne pýblıtsıst Dana Ormanbaeva, «Ksell» AQ atqarýshy dırektory Kaspars Kýkelıs, KIMEP janyndaǵy Quqyq mektebiniń professory, zańger Aıdar Egeýbaev, «Takıe Dela» medıa jobasynyń bas redaktory Sergeı Karpov (Reseı), Voice of America orys jańalyqtar qyzmetiniń redaktory Alekseı Gorbachev (AQSh) jáne basqalary.
Oqytý kýrstary ZOOM alańynda kún saıyn saǵat 18.00-den 21.00-ge deıin kelesi baǵyttar boıynsha ótedi:
1) 12-16 qazan – qarjy salasyndaǵy oqytý kýrstary;
2) 19-23 qazan – quqyqtyq saladaǵy oqytý kýrstary;
3) 26-30 qazan – medıtsına salasyndaǵy oqytý kýrstary;
4) 2-6 qarasha – dinı saladaǵy oqytý kýrstary;
5) 9-13 qarasha – tsıfrlandyrý salasyndaǵy oqytý kýrstary.
Oqytý kýrstaryna siltemelerdi Facebook, Instagram, Telegram, Youtube áleýmettik jelilerindegi @mediatrainingkz paraqshasynan, sondaı-aq seriktesterdiń saıttarynan tabýǵa bolady. Barlyq qatysýshylar sertıfıkattarmen marapattalady.
Barlyq suraqtar boıynsha +77055777080 telefon nómirine habarlasýǵa bolady.