Qazaqstanda BAQ erkindigi úshin jetkilikti túrde quqyqtyq negiz qalyptasqan
«Búgingi jıynda ártúrli pikirdegi azamattardyń sózi tyńdaldy. Osynyń ózi Qazaqstanda sóz bostandyǵy, pikir alýandyǵynyń qarqyndy júrgizilip kele jatqanyn bildiredi. Sonymen qatar, elimizde buqaralyq aqparat quraldarynyń qyzmeti úshin jetkilikti túrde quqyqtyq negiz qalyptasqan. Oppozıtsııalyq baspa ónimderi de esh kedergisiz satylymda tur. Al olarǵa qatysty tyıym salynǵan jaıttarǵa keletin bolsaq, onyń sebepteri de aıqyn ári bul týraly tergeý organdary qajetti aqparatty berip turady», dedi birlestik ókili. Sonymen qatar, «Asyl mura» ókili BAQ-pen odan ári jumys máselesine toqtala kele, bul baǵytta konferentsııa aıasyndaǵy usynystardyń mańyzdy bolatynyn atap ótti. «Sondyqtan da, BAQ salasyna qatysty problemalar barshylyq, ári bul barlyq memlekette de oryn alatyn jaıt. Al birqatar áriptesterimizdiń memlekettik saıasatqa qatysty «short» kesip aıtqan pikirlerine kelispeımiz», - dedi birlestik ókili.