Qazaqstanda azyq-túlik taýarlarynyń baǵasy bir jylda 8,6% ósti

NUR-SULTAN. QazAqparat – Baǵa azyq-túlik taýarlaryna bir jylda (2020 jylǵy aqpan 2019 jylǵy aqpanǵa) 8,6% ósti. Bul týraly QazAqparat Statıstıka agenttigine silteme jasap habarlaıdy.

Nan ónimderi jáne jarmalar, et, balyq jáne teńiz ónimderi, sút ónimderi, jumyrtqa, maı jáne tońmaı, kondıterlik ónimder, jańa jınalǵan kókónister men jemister, alkogolsiz sýsyndar jáne alkogoldi ishimdikter qymbattady, al qant arzandady.

2020 jylǵy aqpanda jarma ónimderi tobynda qaraqumyq jarmasyna ortasha baǵasy kılogramyna 326 teńgeni (2019 jylǵy aqpanda – 243 teńge), suly jarmasyna – 352 teńgeni (330 teńge), sókke – 373 teńgeni (254 teńge), kúrishke 376 teńgeni (323 teńge) qurady.

Qumshekerdiń ortasha baǵasy 2020 jylǵy aqpanda kılogramyna 185 teńgeni, 2019 jylǵy aqpanda 236 teńgen boldy.

2020 jylǵy aqpanda sút ónimderinen súzbege ortasha baǵa kılogramyna 1615 teńgeni (2019 jylǵy aqpanda – 1579 teńge), qaımaqqa – 1121 teńgeni (1050 teńge), aıranǵa – 300 teńgeni (286 teńge), pasterlengen sútke 256 teńgege (239 teńge) saýdalanýda.