Qazaqstanda azyq-túlik pen dári-dármek baǵasyna monıtorıng júrgizetin platforma iske qosyldy
Derekhub.kz platformasy ol túrli kózderden baǵa týraly aqparat jınaýdy qamtıdy.
Saýda mınıstrliginiń Іshki saýda departamenti dırektorynyń orynbasary Erlan Eshnazarov túsindirýinshe, birinshi kezeńde barlyq saýda obektilerin (úı janyndaǵy dúkender men saýda jelileri) portalda óz sórelerindegi áleýmettik mańyzy bar azyq-túlik baǵasy týraly aqparatty óz betinshe ornalastyrýǵa shaqyrady.
«Árbir saýda núktesi óziniń jeke kabınetin alyp, júıege óz betinshe tirkeledi. Jáne keıinnen taýarǵa eń tómengi baǵanyń jáne onyń bar ekendigin kórsete otyryp, 19 áleýmettik mańyzy bar azyq-túlik taýarlarynan nysandy toltyrady», - deıdi Erlan Eshnazarov.
Toltyrylǵan derek avtomatty rejımde taldanady jáne baǵanyń ózgerý dınamıkasyn baqylaýǵa múmkindik beredi.
«Mundaı platformanyń ıdeıasy pandemııa kezinde qalyptasty. Bıylǵy jyly taýarlar men dári-dármekterdiń kúrt jáne aıtarlyqtaı qymbattaýyna baılanysty kóktemde búkil el boıynsha birqatar taýardyń shekti baǵasy engizildi, qazir keıbir aımaqtarda shekti baǵa belgilenip jatyr. Biraq baǵanyń belgilengen shekte ustalýyn tekserý úshin ákimdikter ishinara tekserý júrgizýi qajet. Mundaı júıeniń bolýy baǵany qashyqtan baqylaýǵa múmkindik beredi» - dedi Erlan Eshnazarov.
Vedomstvonyń habarlaýynsha, Derekhub.kz. platformasyn Memlekettik kirister komıtetiniń salyq qyzmetiniń aqparattyq júıesimen biriktirý josparlanyp otyr. Bul áleýmettik mańyzy bar azyq-túlik taýarlaryna baǵa belgileý týraly barynsha tolyq kórinisti taldaýǵa múmkindik beredi.
Derekhub.kz platformasy sondaı-aq, júıede tirkelgen jáne áleýmettik mańyzy bar taýarlardyń quny men qorlary týraly aqparatty toltyratyn kompanııalar úshin birqatar qyzmetti usynady.
Osylaısha, platformaǵa qatysýshy kompanııalar quqyqtyq máseleler boıynsha bıznesti qoldaýdyń tegin jedel jelisine, bultty fıskaldyq quralǵa jáne Dosmart adaldyq kartasyna tegin jazylymǵa, Alfa Bankten kepilsiz nesıe ónimderine jáne tólem quraldaryna qol jetkize alady. Budan basqa, kompanııalar sondaı-aq ÁMAT-tyń naryqtyq baǵalary boıynsha turaqty taldamalyq esepterge qol jetkize alady.