Qazaqstanda azamattyq birtektilik aıtarlyqtaı qalyptasyp qaldy - J. Júnisova
Onyń aıtýynsha, «Nur Otan» partııasynyń qoǵamdyq saıasat ınstıtýty jaqynda zertteý júrgizip, onda qazaqstandyq azamattyq birtektilik týraly suraqty kótergen bolatyn. «ıAǵnı, bizdiń halqymyz qanshalyqty deńgeıde ózderin eń birinshi kezekte qazaqstandyq retinde sanaıdy degen másele. Suraý salynǵandardyń 70 paıyzy ózderin eń aldymen Qazaqstan azamattary retinde sezinetinin alǵa tartty. Bul - asa joǵary kórsetkish. Sonymen birge, adamdardyń az ǵana bir toby ǵana ózderin Qazaqstandaǵy etnos ókilderi retinde sanaıtynyn kórsetken», - dedi J. Júnisova.
Onyń aıtýyna qaraǵanda, saýaldamaǵa qatysqandardyń az ǵana paıyzy ózderin eń aldymen musylman nemese pravoslavtyq dep sanaıtynyn aıtqan.
«Saýaldamanyń mundaı nátıjesiniń ózi elimizde qazaqstandyq azamattyq birtektilik aıtarlyqtaı deńgeıde qalyptasyp qalǵanyn kórsetedi. Alaıda, bul jetkilikti túrde uzaq úderis, bılik, azamattyq qoǵam men saraptamalyq qaýymdastyq jáne BAQ tarapynan belgili bir kúsh-jigerdi qajet etedi», - dedi J. Júnisova.
Eske sala keteıik, Memleket basshysy aıqyndaǵan bes ınstıtýtsıonaldyq reformanyń tórtinshisi «Bolashaǵy birtutas ult» dep atalady. Bul rette Elbasy N. Nazarbaev «qazaqstandyq birtektilikti odan ári nyǵaıtý qajettigin» alǵa tartqan bolatyn. «Ol azamattyq qaǵıdatyna negizdelýi tıis. Barlyq azamattar quqyqtyń bir kólemin paıdalanýy, jaýapkershiliktiń bir júgin arqalaýy jáne teń múmkindikke qoljetimdilikti ıelenýi kerek. Máńgilik El ıdeıasy arqaýyndaǵy jumyldyrýshy qundylyqtar - azamattyq teńdik; eńbeksúıgishtik; adaldyq; oqymystylyq pen bilimdi qaster tutý; zaıyrly el - taǵattylyq eli. Osyndaı jaǵdaıda azamattyq ornyqty jáne tabysty memlekettiń eń senimdi irgetasy bolady», - degen edi N. Nazarbaev.