Qazaqstanda aza tutý kúni qalaı ótedi

NUR-SULTAN. QazAqparat – Qaıǵyly oqıǵa saldarynan kisi ólimi kóp tirkelgen jaǵdaıda elimizde aza tutý kúni jarııalanady. Qazaqstan tarıhyndaǵy sondaı qaraly kúnderdiń biri – erteńgi 28 jeltoqsan bolmaq.

Qazaqstanda ulttyq aza tutý kúnin respýblıka prezıdenti jarııalaıdy. Aza tutý kúnin jarııalaýdyń naqty bir talaby joq. Sheshim oqıǵa kezinde qabyldanýy múmkin. Ádette kisi ólimi kóp tirkelse, teraktiler men asa kórnekti qaıratkerler ómirden ozǵanda, ózge de qaıǵyly jaǵdaılar kezinde aza tutý kúni jarııalanady.

Aza tutý kúni bir kúnnen birneshe kúnge sozylýy múmkin.

Qazaqstanda aza tutý kúni memlekettik organdar men jergilikti atqarýshy organdardyń, shekaralyq dıplomatııalyq mekemelerdiń ǵımarattaryndaǵy Memlekettik tý tómen túsiriledi. Kóńil kóteretin sharalar men telebaǵdarlamalar toqtatylady.

Eske sala ketsek, QR Prezıdenti Qasym-Jomart Toqaev 2019 jyldyń 28 jeltoqsanyn jalpyulttyq aza tutý kúni dep jarııalady.

«Prezıdent Qasym-Jomart Toqaev Almaty mańynda ushaq apatynan adamdardyń qaza bolýyna baılanysty 2019 jyldyń 28 jeltoqsanyn jalpyulttyq aza tutý kúni dep jarııalady» delingen habarlamada.

Sondaı-aq, Aqordanyń resmı saıtynda Qazaqstan Respýblıkasynda jalpyulttyq aza tutý kúnin jarııalaý týraly Jarlyq shyqty.