Qazaqstanda aıyppuldy bank kartochkasy arqyly tóleý júıesi engiziledi
«Bank kartochkasy arqyly elektrondy formatta turǵan jerinde tólem júrgizý mehanızmin jasadyq. Demek, aıyppul arqalaǵan azamatta bank kartochkasy bolsa, ol bankke sabylyp, aıyppuldy tólep jatpaı, turǵan jerinde tólemdi júrgize alady. ıAǵnı, planshette (jol saqshysynyń qolyndaǵy) tıisti qurylǵy bolady. Sonda kartochka suǵylǵannan keıin tólem avtomatty túrde alynady», - deıdi QR Bas prokýratýrasynyń quqyqtyq statıstıka jáne arnaıy esepke alý jónindegi komıtetiniń tóraǵasy Baǵdat Mýsın búgingi kóshpeli otyrysta.
Onyń aıtýynsha, Bas prokýratýra Іshki ister mınıstrligimen birlesip, tıisti usynystardy ázirlep jatyr.
«Depýtattar usynysymyzdy qoldasa deımiz. Bank kartasy arqyly ornynda aıyppulyn tóleıtin azamatta qosymsha yntalandyrýshy motıvatsııa bolsa deımiz. Demek, esterińizde bolsa, aıyppul 7 kúnniń ishinde tólense, azamatqa 50 paıyzdyq jeńildik berilýshi edi ǵoı. Osy qadamnyń júıege birshama serpin bergenin baıqadyq. Demek, endigi kezekte aıyppulǵa ilikken azamat turǵan jerinde bank kartochkasymen óteıtin bolsa, onda oǵan taǵy 5 paıyzdyq jeńildik bergimiz keledi. Eń bastysy - biz aıyppuldy kóbirek salýdy emes, azamattardyń artyq júris jasap, bankke sabylýyn toqtatqymyz keledi», - dedi ol.
Eske sala ketsek, búgin QR Parlament Senatynyń konstıtýtsııalyq zańnama, sot júıesi jáne quqyq qorǵaý organdary komıtetiniń músheleri búgin Bas prokýratýrada kóshpeli otyrys ótkizgen bolatyn. Otyrys barysynda Baǵdat Mýsın Qazaqstanda «Elektrondy qylmystyq is» jobasy qalaı iske asyrylatynyn túsindirip berdi.