Qazaqstanda áıelderdiń fýtbol klýbtary kóbeıedi
"Bizge áıelder fýtbolyn umytpaý qajet. Qazaqstanda erler klýbtarynyń sany 23 bolsa, áıelder kiretin komandalar nebári 5 klýbty quraıdy. Osy oraıda biraz syn-esketpeler aıtyldy. Bizdińshe, jańa strategııany iske asyrý josparynda áıeler chempıonatyna qatysatyn klýbtardyń sanyn arttyrý mindetin engizgen jón. Sonda Qazaqstannyń áıelder quramasyna oıynshylardy kóptep irikteýge bolady. Árıne, áıelder fýtboly úshin barlyq jaǵdaıdy jasaý qajet. Kásibı mamandardy shaqyrýymyz qajet", - dedi A.Aıtxojın búgin Qazaqstan fýtbol federatsııasynyń XVII konferentsııasynda.
Onyń aıtýynsha, bıyl áýesqoı fýtbolshylardy pasportızatsııalaý sharalary bastaldy. Qazirdiń ózinde 200 myń adam tirkeldi.
Aıta keteıik, "Alǵa, fýtbol! Alǵa, Qazaqstan!" atty jańa strategııada batyl bir maqsat bar. Ol - fýtboldyń qazaqstandyq stılin qalyptastyrý. "Sonyń arqasynda Qazaqstannyń fýtboly barsha álemge tanylady degen jospar bar. Árıne, oǵan barlyǵymyz kúsh salýymyz qajet", - deıdi A.Aıtxojın.