Qazaqstanda áıelder kóbine qaı salalarda eńbek etedi

<p>ASTANA. KAZINFORM &ndash; Qaı eńbek salasynda áıelderdiń úlesi basym? Elimizde áıelder men erkekterdiń jalaqysy teń be? Osy jáne ózge de suraqtarǵa Qazaqstan Kásipodaqtar federatsııasynyń tóraǵasy Satybaldy Dáýletalın jaýap berdi.&nbsp;</p>

«Memleket qabyldap jatqan keshendi sharalarǵa qaramastan, genderlik saıasatty iske asyrýdyń pármendi tetikterin ázirleý máselesi ózektiligin joǵaltpaıdy. Áıelderdiń qoǵamdyq ómirge tolyqqandy tartylýyna kedergi keltiretin jekelegen kedergiler saqtalýda. Eń aldymen, eńbek salalaryn «erler» jáne «áıelderge» arnalǵan dep bólý. Búginde bilim berý, densaýlyq saqtaý jáne áleýmettik qyzmet kórsetý salalarynda qyzmetkerlerdiń 70% - áıelder. Bul salalarda jalaqy deńgeıi naqty ekonomıka salalaryna qaraǵanda birshama tómen», - dedi Satybaldy Dáýletalın elordada ótip jatqan Qazaqstan eńbekshi áıelderiniń І forýmynda.

Onyń aıtýynsha, quqyqtardyń teńdigi men qoǵamda áıelderdiń joǵary belsendiligine qaramastan, erler men áıelder jalaqysynyń aıyrmashylyǵy bar.

«Tájirıbe kórsetkendeı, áıelder úı sharýashylyǵyna demalys kúnderi kúnine orta eseppen 4,5 saǵat jáne jumys kúnderi 2 saǵattan astam ýaqyt jumsaıdy. Bul erlermen salystyrǵan shamamen 2 jáne 4 ese kóp. Áıelderdiń jumyspen qamtylýy, olardyń eńbegine ádil aqy tóleý memlekettiń áleýmettik jáne ekonomıkalyq saıasatynyń ortalyǵynda bolýǵa tıis. Jumys isteıtin áıelder, otbasylyq mindetteri bar adamdar úshin áleýmettik kepildikterdi kúsheıtý, turmystyq jáne eńbektegi áıelderdi kemsitýdiń kez kelgen túrine jol bermeý talap etiledi», - deıdi ol.

Kásipodaqtar tóraǵasy málimdegendeı, eńbek áıelderiniń І forýmynyń maqsaty - qurylymdyq jańǵyrý jaǵdaıynda Qazaqstan áıelderiniń ekonomıkalyq múmkindikterin keńeıtýge, olardyń áleýmettik mártebesi men genderlik teńdigin arttyrýǵa yqpal etý.

Aıta ketsek, 2025 jyldy Qazaqstanda genderlik teńdik jyly dep jarııalaý usynyldy.