Qazaqstanda avtomobıl qurastyrý qarqyn aldy

NUR-SULTAN. QazAqparat – 2021 jyldyń qańtarynda Qazaqstan aýmaǵynda 5 981 avtokólik quraly qurastyryldy. Bul týraly «QazAvtoÓnerkásip» Qazaqstannyń avtomobıl salasy kásiporyndarynyń odaǵy málim etti, dep habarlaıdy QazAqparat tilshisi.

«Osy jyldyń qańtarynda Qazaqstan aýmaǵynda jalpy quny 43,1 mlrd teńge bolatyn 5 981 avtokólik (jeńil, júk kólikterin, avtobýstardy, arnaýly mashınalar men tirkemelerdi qosa alǵanda) shyǵaryldy. Naqty mánde shyǵarylǵan ónim kólemi ótken jylǵy kórsetkishten 1,8 paıyzǵa asyp tústi» delingen taratylǵan aqparatta.

Odaq málimetinshe, jeńil avtomobıl óndirisi 3,9 paıyzǵa artyp, 5 393 kólik qurastyryldy. 150 avtobýs shyǵaryldy.

Esepti kezeń qorytyndysynda qurastyrylǵan avtobýstar sany 4,5 ese kóp bolyp otyr.

Degenmen, júk kólikterin qurastyrý 1,5 ese tómendep 363 boldy.

Tirkeme shyǵarý 99-dan 67-ge deıin kemidi.

Munan bólek 8 mamandandyrylǵan avtotehnıka shyǵaryldy.

Qańtarda otandyq óndiris oshaqtarynan shyǵarylǵan 5 381 kólik satyldy.

Bul - ótken jylǵy kórsetkishten 53 paıyzǵa joǵary.

«QazAvtoÓnerkásip» kásiporyndarynyń naryqtaǵy úlesi 65,6 paıyzdan 64,6 paıyzǵa deıin tómendedi.